Originally released on vinyl as "Enchanting hour with Jagit and Chitra.
1. sarakti jaaye haiN rukh se naqaab aahistaa-aahista
nikalta aa raha hai aaftaab aahistaa-aahista
jawaN hone lage jab wo to humse kar liya parda
hayaa yakalaKht aaee aur shabaaB aahistaa-aahista
sab-e-furkat ka jaaga hoon paristhoN ab to sone do
kabhi fursat meiN kar lena hisaab aahistaa-aahista
hamaare aur tumhaare pyaar meiN bas farq hai itna
idhar to jaldi jaldi hai udhar aahistaa-aahista
baDi bedardi se sar kaate 'ameer' aur maiN kahooN unse
huzur aahistaa aahistaa janaab aahistaa-aahista
2. Duniya jise kahte hain
3. Ishq mein ghairat-e-jazbaat ne rone na diya/Yaar ko mein ne
4. mujhe yaar ne sone na diya
5. tum nahin gham nahin sharaab nahin
aisee tanhayee ka jawaab nahin
gahey gahey isey padha kijey
dil say behtar koi kitaab nahin
jaaney kis kis ki maut aayee hai
aaj rukh pay koi naqaab nahin
woh karam oongliyoN pe ginte haiN
zulm ka jinke kuch hisaab nahin
6. baat nikalegee to phir duur talak jaayegee
log bewajaH udaasee kaa sabab poochhenge
ye bhee poochhenge ke tum itnee pareshaaN kyooN ho
oongliyaaN uTheNgee sookhe huye baaloN kee taraf
ek nazar dekheNge guzre huye saaloN kee taraf
chooDiyoN par bhee kaI taNz kiye jaayeNge
kaaNpate haathoN pe bhee fikRe kase jaayeNge
log zaalim haiN har ek baat kaa taanaa deNge
baatoN baatoN meiN meraa zikR bhee le aayenge
unakee baatoN kaa zaraa saa bhee asar mat lenaa
waRnaa chehre ke taasur se samaJh jaayeNge
chaahe kuchh bhI ho sawaalaat naa karnaa unse
mere baare meiN koI baat na karnaa unse
baat nikalegii to phir door talak jaayegee
7. bahut pahle se un qadmon ki aahat jaan kete haiN
tuJhe ae' zindagi hum door se pehchaan lete haiN
tabiyat apni ghabraati hai jab sunsaan raatoN ko
hum aise meiN teri yaadoN ki chaadar taan lete haiN
fizaa aksar badal kar bhesh milta hai koi qaatil
kabhi hum jaan lete haiN kabhi pehchaaN lete haiN
**
8. jab bhi aati hai teri yaad kabhi shaam ke baad
aur baDh jaati hai afsoorda-dili shaam ke baad
ab iraadoN pe bharosa hai na tauba pe yakeeN
muJhko le jaa re kahan tashna_labi shaam ke baad
yuN to har lamhaa teri yaad ka boJhal guzraa
dil ko mehsooS hui teri kaMi shaam ke baad
yuN to kuCh shaam se pehle bhi udaasi thee 'Adeeb'
ab to kuCh aur baDhi dil ki laGi shaam ke baad
9. uski hasrat hai jise dil se miTa bhee na sakooN
dhoonDne usko chala hooN jise paa bhee na sakooN
meharbaaN hoke bula lo muJhe chaaho jis waqt
maiN gaya waQt naheeN hooN ke fir aa bhee na sakooN
daal kar kHaak mere khooN pe qaaTil nikaah
kuCh ye meHndi naheeN meri ke chupaa bhi na sakooN
zauf meiN taa maye agiyaar ka shikwaa kya hai
baat kuCh sar to naheeN hai ke utha bhee na sakooN
zabt kambakht ne aur aake gala ghonTa hai
ke use' haal sunawooN to suna bhee na sakooN
zaher milta hee nahiN muJhko sitamgar warna
kya kasam hai tere milne ki ke khaa bhee na sakooN
uske pehlooN meiN jo le jaake sulaa dooN dil ko
neeNd aisi use' aaye ke jagaa bhee na sakooN
Lyrics : Ameer Meenai (1,9)
kafeel Aazer (6)
Krishan Adeeb (8)
Music : Jagjit Singh
Voices : Jagjit Singh
Chitra Singh
This page has been accessed times since 4th June 1997.